04. La nit i el dia

 

La nueche y el día

Baxemos a les fondes
agües del suenu a tratar colos pexes
de la memoria
                     cola menos distancia
posible,
            non pa que te respuendan
les voces abisales,
                          solo pol movimientu
de les agües negres, suntuoses, riques
de quién sabe qué secretos.
                                        Rares nueches...
Depués albes:
                      el cuchiellu del día
esgaza les contres, penetra, nidia,
una fina corriente de lluz,
                                       vuelen
sábanes blanques, páxaros que se posen
nos bálagos ardiendo de mariellu,
la presa
cai bramando nel saltu l'agua
que la engulle.
                      Ensama'l trigu hasta'l finxu
l'horizonte.

                Los caballos desbóquense.

 

(Versió de Antón García)