Pàgina 6 de 8
A noite e o día
Baixamos ás profundas
augas do sono a traficar cos peixes
da memoria
coa menor distancia
posible,
non para que che respondan
voces abisais,
tan só o movemento
da auga negra, suntuosa, rica
de quen sabe qué segredos.
Estrañas noites...
Logo albas:
o coitelo do día
fende as contras, penetra, pulida
una fina corrente de luz,
voan
sabas branquísimas, grandes paxaros, pousándose
nos palleiros a arder no amarelo,
a canle
rumorosa precipítase no salto,
que a engule.
Esténdense os trigos deica á raia
do horizonte.
Desbócanse os cabalos.